ओलीतिर लागेका पूर्वमाओवादीलाई प्रचण्डको प्रश्न: के जनयुद्ध कुहिएकै फर्सी हो त ?

मङ्लबार, पुस २८, २०७७

ओलीतिर लागेका पूर्वमाओवादीलाई प्रचण्डको प्रश्न: के जनयुद्ध कुहिएकै फर्सी हो त ?

नेपाल कम्युनिष्ट पार्टी (दाहाल-नेपाल) समूहका अध्यक्ष पुष्पकमल दाहाल ‘प्रचण्ड’ले ओली नेतृत्वको समूहमा गएका पूर्वमाओवादीहरुले जनयुद्ध कुहिएको फर्सी भएको कुरा कसरी सुन्न सके होलान् भन्दै व्यंग्य गरेका छन् ।

नेकपा गण्डकी प्रदेशद्वारा पोखरामा आयोजित बृहत् कार्यकर्ता भेला तथा संघर्ष अभिमुखीकरण कार्यक्रमलाई सम्बोधन गर्दै प्रचण्डले भने,’ माओवादी जनयुद्ध लडेका साथीहरु ओलीतिर लागेको देख्दा मलाई लाज लागेको छ। उनीहरुले जनयुद्धलाई कुहिएको फर्सी भनेर गरिएको टिप्पणी कसरी सुन्न सके होलान् ?, उनले भने, ‘त्यस्ता साथीहरु देखेर मलाई लाज लाग्ने गरेको छ।’

व्यक्ति पार्टी मातहत हुने, अल्पमत बहुमत मातहत हुने भनेर पार्टी एकता गरिएको बताउँदै उनले भने,’ व्यक्ति पार्टी मातहत हुने, अल्पमत बहुमत मातहत हुने भनेर पार्टी एकता गरिएको थियो। माओवादी जनयुद्धले नेपालमा राजनीतिक परिवर्तनका लागि महत्वपूर्ण भूमिका खेल्यो भनेर सही गरिएको छु, दाहालले अगाडि भने, ‘त्यही प्रतिवेदन अहिले पनि कायमै छ। त्यो प्रतिवेदनको मर्म र भावनाविपरीत बोल्दा प्रतिगमनको साक्षी बसेकाहरु के भन्दैछन्। के जनयुद्ध कुहेकै फर्सी हो त ?’

यस्तै, तत्कालीन नेकपा एमाले र माओवादी केन्द्रबीच एकीकरणको सहमति हुँदा समेत ओलीले जनयुद्धका उपलब्धी स्वीकार्ने विषयमा सहमति गरेको बताउँदै प्रचण्डले भने, ‘के त्यो केपी ओलीले हस्ताक्षर कीर्ते हो रु यदि त्यसो होइन भने यो बेइमानी हो । कोही पनि क्रान्तिकारीलाई यो स्वीकार्य हुँदैन ।’

सम्बन्धित

Related Posts

तपाईको प्रतिक्रिया

प्रतिकृया दिनुहोस

Your email address will not be published. Required fields are marked *


Copyright © 2015 ::NA Media Pvt. Ltd.::