काठमाडौं महानगरका मेयर र उपमेयरले नेपाल  भाषामा सपथ खाएर पद बहाली

बुधबार, जेष्ठ १७, २०७४

NA Media

 काठमाडौं महानगरका मेयर र उपमेयरले नेपाल  भाषामा सपथ खाएर पद बहाली

काठमाडौं महानरपालिकाको नवनिर्वाचित मेयर र उपमेयरले आज पद तथा गोपनियताको सपथ खाएका छन् ।

राजधानीको राष्ट्रिय सभागृहमा आयोजित विशेष कार्यक्रममार्फत मेयरमा निर्वाचित विद्यासुन्दर शाक्य र उपमेयर हरिप्रभा खड्कीलाई मुख्य निर्वाचन अधिकृत दीपेन्द्र अधिकारीले पद तथा गोपनियताको सपथ खुवाए ।

उनीहरु दुबैले नेपाल  भाषामा सपथ खाएका थिए । शाक्य एमालेबाट मेयरमा निर्वाचित भएका हुन् भने खड्की नेपाली कांग्रेसबाट उपमेयरमा निर्वाचित भएकी हुन् ।

यस्तै काठमाडौं महानगरका ३२ ओटै बडा अध्यक्षले पनि पद तथा गोपनियताकोसपथ लिएका छन् ।

मेयरको सपथ लिएपछि विद्यासुन्दरले के के भने ?

सपथग्रहणपछि सञ्चारकर्मीहरुलाई प्रतिक्रिया दिँदै शाक्यले भने–

– निर्वाचन भएर देशले नै जितेको । माला लगाउने मात्रै जितेको होइन । धेरै अन्योलताका बीच पनि चुनाव भयो त्यो ठूलो कुरा हो ।

–चुनाव हुनु नै दलहरुको जीत भएको छ । जनताहरु चुनावका लागि राजनीतिक दल भन्दा पनि अग्रसर थिए ।

– सबैलाई सँगसँगै मिलाएर लैजान्छु । पराजितहरु कसैप्रति आग्रह पूर्वाग्रह राख्ने छैन । रञ्जु दर्शनालगायत सबैलाई मिलाएर लैजान्छु । महानगरपापलिकालाई ध्वच्छ, सुन्दर र समृद्ध बनाउँछु ।

सपथ ग्रहण समारोहमा स्थानीय तहको चुनावमा काठमाडौं महानगरपालिकाका मेयरका उम्मेदवारहरु विवेकशील नेपालकी रञ्जु दर्शना, नयाँ शक्ति पार्टी, नेपालका पवित्र बज्राचार्य लगायतको पनि उपस्थिति रहेको थियो ।

मुलुक संघिय प्रणालीमा गई सके पछी स्थानीय भाषा संस्कृति को परिपालन र समर्धन गरिने जुन परिकल्पना गरिएको थियो काठमाडौं महानगरपालिका का निर्बाचित मेयर र उपमेयर ले आफ्नो मातृभाषामा सपथ खाएर सो परिकल्पना लाई मुर्तरुप दिएको अर्थमा लिन सकिन्छ।

सम्बन्धित

Related Posts

तपाईको प्रतिक्रिया

प्रतिकृया दिनुहोस

Your email address will not be published. Required fields are marked *


पोपुलर


Copyright © 2015 ::NA Media Pvt. Ltd.::