जर्मन क्लब बायर्न म्युनिखका स्टार खेलाडी  लेवान्डोस्कीले फिफा  बर्ष अवार्ड जितेका छन।लगातार दोश्रो बर्ष उनले उपाधी जितेका हुन ।

सोमबार राति स्वीट्जरल्यान्डको जुरिचमा भएको अवार्ड समारोहमा फ्रान्सेली क्लबपिएसजीका मेस्सी र लिभरपुलका सलाहलाई पछि पार्दै लगातार दोस्रो वर्ष अवार्ड जितेका हुन् । उनले समग्रमा ४८ अंक प्राप्त गरे । मेस्सीले ४४ तथा सलाहले ३९ अंक प्राप्त गरे । उनी सन् २०१६ पछि लगातार अवार्ड जित्ने दोस्रो खेलाडी बने । यसअघि रोनाल्डोले सन् २०१६ र २०१७ मा लगातार अवार्ड जित्न सफल भएका थिए ।

महिलातर्फ बार्सिलोनाकी स्पेनिस मिडफिल्डर एलेक्सिया पुतेलासले उपाधि जित्दा अष्ट्रेलियन साम केर दोस्रो तथा बार्सिलोनाकै जेनी हर्मोसो तेस्रो भए ।

प्रशिक्षकमा पुरुषतर्फ चेल्सी प्रशिक्षक थोमस टुचेलले उपाधि जित्दा चेल्सीकै महिला टोलीकी प्रशिक्षक एम्मा हेयसले उपाधि जितिन् । इटालीका रोबर्टो मान्सिनी र म्यानचेस्टर सिटीका पेप गुआर्डीओला शीर्ष तीनमा परे । महिलातर्फ बार्सिलोनाका पूर्व प्रशिक्षक लुइस कोर्तेस र नेदरल्यान्ड्सकी सारिना विग्मनले शीर्ष तीनमा स्थान बनाए ।

पुरुष गोलरक्षक तर्फ चेल्सीका एडुआर्ड मेन्डीले इटालीका जियानलुइजी डोनारुम्मा र जर्मनीका म्यानुएल नोएरलै पछि पारे । त्यस्तै महिलातर्फ चिलीकी क्रिस्टियन एन्डलरले क्यानाडाकी स्टेफनी म्यारी लाबे र जर्मन एन क्याटरिन बर्गरलाई पछी पारिन् ।

अवार्ड विजेताहरु

दि बेस्ट फिफा पुरुष खेलाडी – रोबर्ट लेवान्डोस्की

दि बेस्ट फिफा महिला खेलाडी – एलेक्सा पुटेलास

फिफा फ्यान अवार्ड – डेनमार्क र फिनल्यान्डका समर्थक

दि बेस्ट फिफा पुरुष प्रशिक्षक – थोमस टुचेल

दि बेस्ट फिफा महिला प्रशिक्षक – इमा हाएस

फिफा फेयर प्ले अवार्ड – डेनमार्क राष्ट्रिय टोली र स्टाफ

फिफा दि बेस्ट पुरुष गोलरक्षक – इडुआर्ड मेन्डी

फिफा दि बेस्ट महिला गोलरक्षक – क्रिस्टिएन इन्डलेर

फिफा बेस्ट स्पेशल अवार्ड – क्रिस्टिन सिन्क्लेर

फिफा बेस्ट स्पेशल अवार्ड – क्रिस्टियानो रोनाल्डो

फिफा फिपप्रो पुरुष टोली – डोन्नररुम्मा, डियास, बोनुची, अलाबा, जर्गिन्हो, कान्टे, केभिन डि ब्रुएन, रोनाल्डो, हालान्ड, लेवान्डोस्की र मेस्सी

फिफा फिपप्रो महिला टोली – क्रिस्टिएन, लुसी, वेन्डी, मिले ब्राइट, माग्डालेना, इस्टाफानिया, कार्ली, बार्बरा, भिएिनी, मार्टा र एलेक्स मोर्गान