युएइले विदेशी फिल्मलाई कुनै पनि सेन्सर नगरी हलमा चल्न दिने

बुधबार, पुस ७, २०७८

युएइले विदेशी फिल्मलाई कुनै पनि सेन्सर नगरी हलमा चल्न दिने

युएइले आफ्नो छवि उदारवादी बनाउने दिशामा महत्वपूर्ण निर्णय गरेको छ । अब युएइमा विदेशी फिल्महरु कुनै सेन्सरबिना सिनेमा हलमा प्रदर्शन गर्न पाइनेछ । देशको मिडिया नियामक निकायले निकै छोटो समयमा यो निर्णय गरेर यसलाई लागू पनि गरिसकेको छ । अब सरकारले २१ वर्षभन्दा बढी उमेर समूहको लागि छुट्टै वर्ग बनाउनेछ । मिडिया रिपोर्टका अनुसार सरकारले यो ‘नो सेन्सरशिप’ नीतिले विदेशी पर्यटक लोभ्याउन सकिने विश्वास लिएको छ ।

गल्फ न्यूजका अनुसार अहिलेसम्म सिनेमा हलमा देखाइने विदेशी फिल्मलाई सेन्सर गरिन्थ्यो । एक कमिटीले फिल्म हेर्थ्यो । इस्लामी मूल्य विरुद्ध हुने कुनै पनि सामग्री वा दृश्य फिल्ममा भए त्यसलाई हटाइन्थ्यो । समलैंगिक, यौनजन्य वा अश्लील कन्टेन्ट हटाइन्थ्यो । तर, अब यस्तो हुने छैन । अब यी फिल्महरु कुनै काँटछाँटबिना सिनेमा हलमा देखाउन पाइनेछ । मिडिया नियामक निकायले एक सामाजिक संजाल पोस्टमा यसबारे जानकारी दिएको छ ।

सम्बन्धित

Related Posts

तपाईको प्रतिक्रिया

पोपुलर


Copyright © 2015 ::NA Media Pvt. Ltd.::