सानो ‘नाेट’ टेबलमा छाडेर बाहरिए ट्रम्प, सपथमा सहभागी भएनन्

बिहिबार, माघ ८, २०७७

सानो ‘नाेट’ टेबलमा छाडेर बाहरिए ट्रम्प, सपथमा सहभागी भएनन्

जोसेफआर बाइडेनले बुधवार बिहान ११ बजेर ४८ मिनेटजाँदा अमेरिकी राष्ट्रपतिको सपथ लिनुभएको छ । बाडेन अमेरिकाको ४६ औँ राष्ट्रपति हुनुहुन्छ ।

अमेरिकाको राजधानी वाशिंटन डिसीस्थित संसदभवनमा अमेरिकी समय अनुसार, बुधवार बिहान आयोजित विशेष समारोहमा राष्ट्रपति बाइडेनले अमेरिकाको सर्वोच्च अदालतका प्रधानन्यायाधीश जोन रोवर्टस् समक्ष पद तथा गोपनीयताको सपथ लिनुभएको हो । उहाँ दोस्रो क्याथोलिक राष्ट्रपति हुनुहुन्छ । आजैदेखि उहाँ ह्वाइट हाउसको पेन्सिलभेनिया एभेन्यूमा बस्नुहुनेछ । दुइ सय ४४ वर्षको अमेरिकाको इतिहासमा ७८ वर्षीय बाइडेन सबैभन्दा पाकाे उमेरमा अमेरिकाको राष्ट्रपति हुने पहिलो व्यक्ति हुनुहुन्छ । उहाँले आजै आफ्नो पदबहाली पनि गर्नुभयो ।

राष्ट्रपति अमेरिकाको सर्वोच्च र शक्तिशाली पद हो । अमेरिकी राष्ट्रपति सेनाको प्रधान सेनापति हुने संवैधानिक व्यवस्था अनुसार उहाँ प्रधान सेनापति पनि हुनुभएको छ । २३ वर्षको उमेरदेखि राजनीतिमा सक्रिय रहनुभएका बाइडेन ओवामा कार्यकाल २००८ देखि २०१६ सम्म उपराष्ट्रपति हुनुहुन्थ्यो । त्यसैगरी उपराष्ट्रपति कमलादेवी ह्यारिसले पनि राष्ट्रपति पदको सपथ लिनुभएको छ । उहाँलाई न्यायाधीश सोनिया मारिया सोतोमेयरले सपथ गराउनुभएको हो । जमैकन बाबु र भारतीय आमाकी सन्तान ह्यारिस अमेरिकी इतिहासमा सर्वाधिक ठूलो पदमा पुग्ने पहिलो अफ्रिकी तथा दक्षिण एसियाली महिला हुनुहुन्छ ।

विशेष समारोहमा अमेरिकाका पूर्व राष्ट्रपतिहरु, पूर्व प्रथम महिला, संवैधानिक अंगका प्रमुखहरु, नवनियुक्त मन्त्रीहरु उपस्थित हुनुहुन्थ्यो । तर राष्ट्रपतिबाट बहिर्गमन गर्नुभएका डोनाल्ड ट्रम्प भने उपस्थित हुनुभएन । तर उपराष्ट्रपति पेन्स भने आफ्नी पत्नीसहित उपस्थित हुनुहुन्थ्यो ।यस अघि राष्ट्रपतिकी उम्मेदवार एमीक्लो वाउचरले राष्ट्रपति, उपराष्ट्रपतिलगायत सम्पूर्ण उपस्थित महानुभावहरुसमक्ष राष्ट्रपति र उपराष्ट्रपतिको परिचय दिँदै मन्तव्यका साथ स्वागत गर्नुभएको थियो ।

सपथ कार्यक्रमपछि बाडेनले करिब २० मिनेट भाषण गर्दै राष्ट्रिय एकतामा जोड दिनुभयो । उहाँले आजको दिन अमेरिकाको र प्रजातन्त्रको दिनभएको बताउनुभयो । उहाँले आफू सबै अमेरिकनको राष्ट्रपति हुने वचनबद्धता व्यक्त गर्दै आगामी दिन अमेरिकाको लागि चुनौतीपूर्ण छ र त्यसको नेतृत्व गर्र्र्दै यो देशलाई सही बाटोमा ल्याउन आफू तयार रहेको जानकारी पनिदिनुभयो ।

राष्ट्रपति बाइडेन र उपराष्ट्रपति ह्यारिसले आजै भर्जिनियास्थित आर्लिंगटन सिमेटरीमा पुगेर मृत सैनिकहरुप्रति सम्मान व्यक्त गर्नुभएको थियो । ट्रम्पको बिदाइ

सपथ ग्रहण समारोह सुरु हुनु केही घण्टा अघि राष्ट्रपति डोनाल्ड ट्रम्प र प्रथम महिला मेलेनिया ट्रम ह्वाइट हाउसबाट बाहिरिनुभएको थियो । बाहिरिने क्रममा राष्ट्रपति ट्रम्पले आफ्नो चारवर्षे कार्यकालमा थुप्रै सकारात्मक कार्य गरेको जानकारी दिँदै कुनै रुपमा हामी पुनः फर्कन्छौँ भनेर स्वागतार्थ उपस्थित ठूलो समूहलाई आश्वस्त पार्नुभएको थियो । उहाँले आफूलाई सहयोग गर्ने सबैलाई धन्यवाद पनि दिनुभयो ।त्यसपछि उहाँ पत्नीसहित विशेष विमान मार्फत फ्लोरिडा प्रस्थान गर्नुभयो ।

ह्वाइट हाउस छोड्ने क्रममा राष्ट्रपति ट्रम्पले टेबलमा एउटा सानो नोट छोड्नुभएको छ । त्यो नोटमा के लेखिएको छ भनेर अहिलेसम्म कसैले पनि भन्न सकेका छैनन् ।

सम्बन्धित

Related Posts

तपाईको प्रतिक्रिया

प्रतिकृया दिनुहोस

Your email address will not be published. Required fields are marked *


पोपुलर


Copyright © 2015 ::NA Media Pvt. Ltd.::