स्याङजा सहयोग समाज साउदी अरब द्वारा देउसी भैलो कार्यक्रम भब्यरुपमा सम्पन्न

शुक्रबार, कार्तिक १५, २०७६

एन ए मिडीया न्युज डेस्क

स्याङजा सहयोग समाज साउदी अरब द्वारा देउसी भैलो कार्यक्रम भब्यरुपमा सम्पन्न

रियाद, साउदी अरब।

स्याङ्जा सहयोग समाज साउदी अरबले हिजो नोभेम्बर १ तारिक शुक्रबारका दिन रियादको एक्जिट १८ ईस्तारामा देउसी भैलो कार्यक्रम भब्य रुपमा सम्पन्न गरेको छ।

स्याङ्जा सहयोग समाज साउदी अरबका अध्यक्ष पारस काफ्लेको सभापतित्वमा सम्पन्न उक्त देउसी भैलो कार्यक्रमका प्रमुख अतिथी नेपाली दुतावासका महामहिम राजदुत प्रो. डा. महेन्द्र सिंह राजपुत रहेका थिए त्यसै गरि बिशिष्ट अतिथीमा दुताबासकै नियोग उप-प्रमुख दिलिप कुमार पौडेल, स्याङ्जा सहयोग समाज अन्तराष्ट्रिय समन्वय समिति का सल्लाहकार मोहन बिएसके रहेका थिए। अतिथीहरुमा नेपाली जनसम्पर्क समिती साउदी अरबका सभापति दिपक रेग्मी, पारिवारिक समाज नेपाल,साउदी अरबका कोषाध्यक्ष मदन ओडारी, नेपाली साझा मञ्चका संयोजक बिष्णु घिमिरे, सिर्जना साँस्कृतिक समुहका संयोजक बिज्ञान राई, प्रवासी नेपाली एकता मञ्चका संयोजक शिवराज जैसी लगाएतका सामाजिक संघ संस्थाका प्रतिनिधी, समाजसेवी तथा मिडीयाकर्मी हरु रहेका थिए।

लक्ष्मिको पुजा आराधना गरि उद्धघाट्न गरिएको उक्त कार्यक्रम औपचारिक तथा सांगितिक गरि दुई चरणमा बिभाजित गरिएको थियो भने दुबै चरणका कार्यक्रम टिका के.सी ले संचालन गरेका थिए।

संस्थाकी सदस्य निरु बस्नेतको स्वागत मन्तब्य बाट शुरु भएको उक्त कार्यक्रममा नेपाली जनसम्पर्क समिती साउदी अरबका सभापति दिपक रेग्मी, नेपाली दुतावास रियादका नियोग उप- प्रमुख दिलिप कुमार पौडेल, महामहिम राजदुत महेन्द्र सिंह राजपुत ले दिपावलीको शुभकामना दिदै प्रवासमा रहेर पनि धार्मिक परम्परा तथा नेपाली संस्कृति जोगाउन गरेको स्याङ्जा सहयोग समाजको पहलको खुलेर प्रशंसा गरेका थिए।कार्यक्रम सफल बनाउन सहयोग गर्ने सबै लाई धन्यबाद दिदै संस्थाका अध्यक्ष पारस काफ्ले ले औपचारिक कार्यक्रमको समापन गरेका थिए।

औपचारिक कार्यक्रमको समापन लगतै स्याङजा सहयोग समाज, साउदी अरबले देउसी भैसो प्रस्तुत गरेको थियो भने अन्य कलाकार हरु राज यात्री, सागर लामा, रोम लामा, दिपक सेञ्चुरी, योनिशा मोक्तान, खगेन्द्र बराल, गुप्त बि. क ले आ-आफ्नो प्रस्तुती दिदै कार्यक्रमलाई थप रौनकता थपेका थिए।

साहित्यकार नमराज लामिछाने ले कविता तथा गजलकार मदन ओडारीले आफ्नो गजल पनि सोही कार्यक्रममा प्रस्तुत गरेका थिए।

सम्बन्धित

Related Posts

तपाईको प्रतिक्रिया

प्रतिकृया दिनुहोस

Your email address will not be published. Required fields are marked *


Copyright © 2015 ::NA Media Pvt. Ltd.::