१६ जिल्ला ‘कोरोना फ्री’,नयाँ संक्रमित देखिएन

बिहिबार, असार २५, २०७७

१६ जिल्ला ‘कोरोना फ्री’,नयाँ संक्रमित देखिएन

७७ जिल्लामा फैलिएको कोरोना नियन्त्रण र रोकथाम कार्य प्रभावकारी भएका १६ जिल्ला कोरोना फ्रि भएका छन् । इपिडिमियोलोजी तथा रोग नियन्त्रण महाशाखाका अनुसार  संक्रमितको आंकडा हेर्दा १६ जिल्लामा कोरोनाका कुनै पनि संक्रमित छैनन् ।

नयाँ संक्रमित नदेखिएका र पुराना संक्रमितहरु कोरोना मुक्त भइसकेका जिल्लालाई कोरोना फ्रि जिल्ला भनिएपनि ती जिल्लामा संक्रमणको जोखिम नरहेका भन्ने चाँही होइन् ।

‘केही जिल्लामा बढ्दो क्रममा रहेपछि संक्रमण फैलिएका १६ जिल्लामा अहिले नियन्त्रणको अवस्थामा आइसकेको छ,’ इपिडिमियोलोजी तथा रोग नियन्त्रण महाशाखाका निर्देशक डा. वासुदेव पाण्डेले भने ।यसअघि स्वास्थ्य मन्त्रालयको नियमित पत्रकार सम्मेलनमा कोरोना फ्रि जिल्लाको संख्या ४ भएको उल्लेख गरिएको थियो ।

महाशाखाको तथ्यांकअनुसार कोरोना फ्रि भएका भएकामध्ये अधिकांश जिल्ला प्रदेश १ का छन् । प्रदेश १ का झापा, तेह्थुम, धनकुटा, संखुवासभा, पाँचथर, भोजपुर, खोटाङ, ताप्लेजुङ, वखलढुंगा, सोलुखुम्बु र इलाम छन् ।

त्यसैगरी प्रदेश ३ को दोलखा र रसुवा, प्रदेश ४ को मनाङ र मुस्ताङ र प्रदेश ६ को मुगु कोरोना फ्रि जिल्ला बनेको छ । प्रदेश एकका केही जिल्लामा ठूलो संख्यामा संक्रमित भएपनि मुक्त भएका अन्य जिल्लामा बाहिरबाट आएका संक्रमितहरु निको भएका हुन् ।

प्रदेश २, ५ र ७ का सबै जिल्लामा कोरोना संक्रमित छन् ।

सम्बन्धित

Related Posts

तपाईको प्रतिक्रिया

प्रतिकृया दिनुहोस

Your email address will not be published. Required fields are marked *


पोपुलर


Copyright © 2015 ::NA Media Pvt. Ltd.::