मकवानपुर २० भदौ
मकवानपुरमा नेपाली सेना सवार ट्रकमा आगलागी भएको छ।आज दिउँसो मकवानपुरस्थित ७ नम्बर बाहिनी अड्डा (चनवन ब्यारेक) बाट तालिमका लागि १८ सैनिक लिएर थाहा नगरपालिकाको सिमभन्ज्याङ जाँदै गरेको नेपाली सेनाको ट्रकमा अचानक आगलागी भएको हो।
आगलागीबाट बा १ ग ३४३६ नम्बरको ट्रक जलेर पूर्ण रूपमा क्षति भएको छ।ट्रकको सापट भाँचिएपछि ट्रकलाई साइड लगाउने क्रममा अचानक आगो लागेको थियो ।
सापट भाँचिएर डिजल ट्यांकीमा लागेपछि डिजल चुहिएर आगलागी भएको सेनाको भनाइ छ।थाहा नगरपालिकाको दमकलले ट्रकमा लागेको आगो निभाउन नसकेपछि ट्रक पुर्ण रुपमा जलेको छ ।
आगलागीमा मानवीय क्षति भने भएको छैन। तर तालिमका लागि लगिएका सामग्री नष्ट भएको प्रहरीले जनाएको छ।