NA Media
लमजुङ्ग बगुमका पहिरोपीडितहरु लाई साउदी अरबबाट आर्थिक सहयोग गरिएको छ।
गत असार ११ गते रातीको पहिरोबाट मानवीय क्षतिसहित घरबारबीहिन लमजुङको क्व्होलासोथार गाउँपालिका ३, बगुमका पहिरो पीडितलाई साउदी अरबमा रहेका नेपालीहरु ले सहयोग गरेका हुन् ।
साउदी अरबमा क्रियाशील तमू धीं नेपाल प्रवास शाखा साउदी अरब, रियाद फुटवल क्लवमा आवद्धलगायत लमजुङ साथै लमजुङ बाहिर घर भएका नेपालीहरुले पहिरोपीडितलाई २ लाख ८ हजार ८ सय रुपैयाँ सहयोग गरेका छन् ।
गत आईतबार लम्जुङ्ग को सदरमुकाम बेसीशहरमा आयोजित कार्यक्रममा पहिरोपीडितको घर पुनःनिर्माणका लागि अक्षयकोषमा राख्न राहत संकलन समिति संयोजक एवं आदर्श युवा क्लव बगुमका अध्यक्ष जुना घलेलाई हस्तान्तरण गरिएको छ ।