पोखरा १४ साउन
पोखरामा आज बिहान भएको स्कुल बस दुर्घटनामा एक विद्यार्थीको मृत्यु भएको छ। अन्य २३ जना घाइते भएका छन् ।
सोमबार बिहान विद्यार्थी लिएर फर्कँदै गरेको एलपी देवकोटा मेमेरियल स्कुलको बस पोखरा–१७, फुस्रेखोलानेर दुर्घटना भएको हो।
दुर्घटनामा एक छात्राको मृत्यु भएको प्रहरीले जनाएको छ ।
बसमा चालक र सहचालक गरी २४ जना थिए।
दुर्घटनामा घाइते भएका विद्यार्थीलाई उद्धार गरी गण्डकी मेडिकल कलेज, पोखरा स्वास्थ्य विज्ञान प्रतिष्ठान र मणिपाल शिक्षण अस्पताल उपचार भइरहेको छ।