साउदी अरब ले २०३४ को फिफा बिश्वकप फुटबल आयोजना गर्ने औपचारिक घोषणा

ट्रेन्डिङ

एन ए मिडिया

साउदी अरब को एक्लो दाबेदारी…..

विश्व फुटबलको महामेला फिफा विश्वकप फुटबल प्रतियोगिता फेरि एसियाली मैदानमा फर्कने पक्का भएको छ ।

सन् २०३४ को फिफा विश्वकप आयोजना अधिकार साउदी अरेबियाले पाएसँगै यो महामेला फेरि एसियामा हुने पक्का भएको हो ।

फिफाले सन् २०३४ को विश्वकप आयोजनाका लागि इच्छुक सदस्य राष्ट्रहरुबाट प्रस्ताव आह्वान गरेको थियो । फिफाको क्रमिक आयोजना अधिकार नियम अनुसार विश्वकप आयोजनाका लागि एसिया र ओसिआना मात्र योग्य थिए ।

साथै विश्वकप आयोजनाका लागि प्रस्ताव आह्वान गर्न फिफाले सन् २०२३ को अक्टुबर ३१ तारीखसम्म अन्तिम म्याद दिएको थियो । जसमा साउदी अरेबिया मात्र एक्लो प्रत्याशीका रुपमा उभिएपछि अन्ततः साउदीले नै आयोजना अधिकार पाएको हो । सन् २०३४ को फिफा विश्वकपमा ४८ देशहरुले सहभागिता जनाउने छन् ।
यसअघि सन् २०२२ को फिफा विश्वकप अर्को एसियाली राष्ट्र कतारले सफलताका साथ आयोजना गरिसकेको छ । सन् २०२६ को फिफा विश्वकप अमेरिका, मेक्सिको र क्यानडाले संयुक्त रुपमा आयोजना गर्दैछन् ।
त्यस्तै सन् २०३० को फिफा विश्वकप भने स्पेन, पोर्चुगल र मोरक्कोले आयोजना गर्दैछन् । जसमा विश्वकप आयोजना भएको १००औं वर्षको अवसर पारी केही खेलहरु अर्जेन्टिना, उरुग्वे र पाराग्वेमा पनि हुनेछन् ।

थप समाचार

‘मेरो भ्वाइस युनिभर्स’ र ‘मेरो डान्स युनिभर्स’को अडिसन पोर्चुगलमा हुँदै

February 14, 2025

रिहा भएपछि रविको पहिलो गर्जन, के भने?

February 6, 2025

साउदी अरबमा सोनाम ल्होसारको धुम,दमाम मा कार्यक्रम सहित मनाईदै

January 26, 2025